Kush e ka fajin ne tatimin e biznesit te vogël ?
Në këtë emision u diskutua në lidhje me problematikën që
ka shoqëruar debatin publik dhe ekonomik në Shqipëri sa i përket përfshirjes së
biznesit të vogëld he profesioneve të lira në skemën fiskale të tatimit të
fitimit.
Ekspertët e ftuar në studio vunë në dukje të gjithë problematikën që ka shoqëruar një politikë të tillë publike-fiskale, duke përfshirë:
- futjen ne sistemin fiskal të të gjitha klasave të
biznesit nën parimin e barazisë fiskale, edhe pse harrohet efekti social që ka
biznesi i vogël në rritjen e punësimit,
- ndryshimin e modelit të përllogaritjes së tatim fitimit
nga modeli me fasha mbi xhiron në model mbi % me fitimin,
- përllogaritet pagesa e tatim fitimit bazuar në xhiron e
vitit 2023, e cila është përllogaritur mbi bazën e një llogjike tjetër,
- mos-përllogaritja e shpenzimeve të zbritshme përvitin
2024, duke rritur në mënyrë fiktive detyrimet e biznesit të vogël,
- mungesa e bazës rregullatore shpjeguese për zbatueshmërinë
e ndryshimeve në Ligjin për Tatimin mbi të Ardhurat,
- mungesa e fushatës sensibilizuese për ndryshimet
radikale.
Përtej nevojës që ky ligj duhej të kishte hyrë në fuqi në
1 Janar 2025, si dhe që duhej të kishte një fushatë sensibilizuese të gjatë për
grupet e interesit, ekspertët evidentuan faktin që publiku dhe komuniteti i
biznesit duhet të jetë më i vëmendshëm ndaj ndryhsiemve ligjore fiskale dhe të
përfshihen që në fazën e draftimit të tyre. Neglizhenca dhe reagimi vetëm pas
miratimit të ligjeve dhe fillimit të efekteve, nuk është zgjidhja e duhur dhe
ka rezultuar gjithnje e dështuar.
Të ftuar:
Z. Artan Gjergji, ekspert ekonomie
Zj. Ariola Sheri, Avokate, eksperte e cështjeve ligjore
Z. Eduard Gjokutja,
ekspert i cështjeve fiskale në ALTAX
Shënim: Pjesa ku
trajtohet kjo tematikë fillon në minutën 29.21 të emisionit Bardh a Zi.
Linku: (70) Bardh a Zi - 24 Prill 2024 | ABC News Albania - YouTube
Comments
Post a Comment